|
LANDSSIMINN Stórgróðafyrirtæki sem langar að lækka afnotagjöldin, -en fær það ekki vegna samkeppnistofnunar?? |
|
|
Póstur og Sími hefur nú nýlega fjölgað gjalddögum simareikninga til viðskiptavina sinna í 12 á ári. Lokunardögum vegna eindaga og vanskila reikninga fjölgar því að sama skapi upp í minnst 12 á ári. Margir viðskiptavinir stofnunar þessarar eiga oft erfitt með, vegna vinnu sinnar annars vegar og opnunartíma Stofnunarinnar og bankanna hins vegar, að standa reglulega í skilum. En aðrir eru grandalausir og e.t.v. eru sumir kærulausir eins og gengur. Þessir viðskiptavinir verða gjarnan fyrir svokölluðum LOKUNARAÐGERÐUM! Stofnunarinnar. Mörg dæmi eru um að fólk þurfi að gera sér sérstakar ferðir frá vinnustað til að greiða smáreikninga, um eða undir eittþúsund krónum, þar sem Stofnunin hafði séð ástæðu til loka fyrir tengingu til viðskiptavinar síns. Í tilvikum þar sem um slíkar smáupphæðir er að ræða og aðstæður fólks misjafnar hvað varðar ferðalög á pósthús í vinnutíma. Er vert að spyrja hvort ekki megi hafa eitthvert þak á þessum forneskjulegu þvingunarúrræðum Stofnunarinnar þannig að ekki sé gripið til lokana fyrr en að uppsafnaðri tiltekinni upphæð og einhverra tímamarka, sem gæti allt eins verið þessir 2 - 3 mánuðir eins og áður var. Mörg dæmi voru um að fólk hafi verið að greiða kr. 3 - 4000,- á 3 mánaða fresti. Því fólki ætti að vera treystandi til að standa í þokkalegum skilum við Stofnuninna án þess að gripið sé til áðurnefndra mánaðarlegra úrræða. Hvernig væri t.d. að Stofnunin byði "tortryggilegum og kærulausum" viðskiptavinum sínum upp á að þeir leggi inn peningatryggingu hjá Stofnunni. Tryggingarfé þetta gæti þá verið einhvers konar fyrirframgreiðsla sem rynni upp í vanskilareikninga viðskiptamannsins jafnharðan og reikningur væri á eindaga. Slíkt fyrirkomulag sparaði viðskiptavini Stofnunarinnar stórfé vegna svokallaðra lokunargjalda sem eru innheimt vegna vanskila viðkomandi viðskiptamanns. |
